Միացյալ Նահանգների նախագահ Դոնալդ Թրամփի պնդմամբ՝ Վաշինգտոնը բավական վատ ազդակներ է ստանում Իրանի միջուկային ծրագրի վերաբերյալ։ Այս մասին Սպիտակ տան ղեկավարը հայտարարել է Մեծ Բրիտանիայի վարչապետի հետ բանակցություններից առաջ։
«Իրանցիները մեզ շատ վատ, տհաճ ազդակներ են ուղարկում։ Նրանք չպետք է նման կերպ վարվեն։ Մենք ոչնչացրել ենք նրանց միջուկային կարողությունները։ Իրանցիները, սակայն, կարող են վերսկսել այդ ուղղությամբ տարվող աշխատանքները», - նշել է Թրամփը՝ զգուշացնելով. - «Եթե նրանք նման քայլի դիմեն, մենք [միջուկային օբյեկտները] կրկին արագորեն կոչնչացնենք»։