ՄԱԿ-ի Պարենի գործակալությունը հայտարարում է, որ Գազային անհրաժեշտ օգնության միայն կեսն է ի վիճակի մատակարարել, չնայած Իսրայելը օրեր առաջ երեք շրջաններում դադարեցրել է ռազմական գործողությունները՝ ճանապարհ բացելով մարդասիրական բեռների համար:
«Մենք դեռևս չենք ստացել մեր պահանջած ծավալները տեղափոխելու թույլտվությունը», - Ժնևում կայացած ճեպազրույցի ժամանակ ասել է գործակալության ներկայացուցիչը:
Սովի դեմ պայքարին հետևող միջազգային կազմակերպություններից մեկն այսօր հայտարարել է, թե անհրաժեշտ է անհապաղ քայլեր ձեռնարկել։
«Նորանոր ապացույցներ են ի հայտ գալիս թերսնման, սովի ու հիվանդությունների պատճառով ավելացող մահվան դեպքերի մասին», - հայտարարել է IPC-ն։
Իսրայելի արտգործնախարար Գիդեոն Սաարը, սակայն, այսօր հերքել է սովի ճգնաժամի մասին մեղադրանքները, միաժամանակ ընդունելով, որ անկլավում իրավիճակը «ծանր» է։