Մոլդովայի նախագահը նախազգուշացնում է ընտրություններից առաջ ՌԴ միջամտության սպառնալիքի մասին

Մոլդովայի նախագահ Մայա Սանդուն հայտարարել է, որ առաջիկա սեպտեմբերին նախատեսված խորհրդարանական ընտրությունների ամենամեծ սպառնալիքներն են ընտրական կոռուպցիան և Ռուսաստանից եկող ապօրինի արտաքին ֆինանսավորումը։

«Ռուսաստանի Դաշնությունը ցանկանում է այս աշնանից վերահսկել Մոլդովայի Հանրապետությունը և պատրաստում է աննախադեպ միջամտություն սեպտեմբերյան ընտրություններին», - Քիշնևում հրավիրված մամուլի ասուլիսում ասել է նա։

Մոլդովայի չորս ռուսամետ կուսակցություններ նախորդ շաբաթ հայտարարել էին, որ միավորվում են մեկ տանիքի տակ՝ միասին ձեռնոց նետելու գործող իշխանություններին կայանալիք խորհրդարանական ընտրություններում։ Նպատակը նախագահ Մայա Սանդուի գլխավորած եվրոպամետ կառավարությանը տապալելն է։