Առնվազն 3 մարդ է զոհվել, ևս 40-ը վիրավորվել են կիրակի երեկոյան Գերմանիայում տեղի ունեցած երկաթուղային վթարի հետևանքով։ Աղետը տեղի է ունեցել Բադեն-Վյուրտեմբերգ դաշնային երկրամասում։
«Տեղատարափ անձրևների պատճառով ծագած սողանքի հետևանքով Ուլմ քաղաք ուղևորվող մարդատար գնացքի երկու վագոններ դուրս են եկել ռելսերից»,- հաղորդել է գերմանական «Շպիգել» հանդեսը՝ վկայակոչելով վթարի հետևանքները հետաքննող իրավապահներին։
